«Янги Ангрен ИЭС» АЖ Комплаенс хизмати томонидан Электр цехи раҳбар ва ходимлари иштирокида «ISO 37301:2021 “Комплаенс бошқарув тизимлари” халқаро стандарти, Ўзбекистон Республикасининг “Коррупцияга қарши курашиш тўғрисида”ги Қонуни, “Манфаатлар тўқнашуви тўғрисида”ги Қонуни ҳамда жамиятнинг Коррупцияга қарши курашиш сиёсати талабларининг амалиётда қўлланилиши» мавзусида семинар ўтказилди. Тадбир давомида комплаенс бошқарув тизимининг асосий тамойиллари, раҳбар ва ходимларнинг ҳуқуқ ҳамда мажбуриятлари, коррупцияга қарши муросасиз муносабатни шакллантириш, манфаатлар тўқнашувининг олдини олиш ва ички назорат тизимини такомиллаштириш масалалари юзасидан атрофлича тушунтиришлар берилди.
Семинарда электр цехи фаолиятига хос бўлган коррупция хавфлари, жумладан электр ускуналари ва эҳтиёт қисмлар билан боғлиқ жараёнлар, техник хизмат кўрсатиш ва таъмирлаш ишлари, шартномалар ижроси ҳамда моддий бойликлар ҳисобини юритишда шаффофликни таъминлаш масалалари муҳокама қилинди. Иштирокчилар билан очиқ мулоқот ўтказилиб, ISO 37301:2021 стандарти талабларини амалиётга изчил татбиқ этиш, қонунчилик ва ички корпоратив ҳужжатлар талабларига қатъий риоя қилиш ҳамда комплаенс маданиятини янада юксалтириш бўйича амалий тавсиялар берилди.
